2023 жылғы 28 қыркүйекте ССЗИ қызметкерлері Алмас Абдраманов пен Гүлден Қасқарбаева Астанада өткен «Түркі мемлекеттерінің ынтымақтастығы: әлемнің турбуленттік жағдайындағы алтын көпір» тақырыбы бойынша Түркі мемлекеттері ұйымына (ТМҰ)  мүше мен байқаушы елдердің ресми сыртқы саяси зерттеулер орталықтарының кездесуіне қатысты.

Іс-шараны ҚР Президенті жанындағы Қазақстандық стратегиялық зерттеулер институты мен Қазақстан Республикасы Сыртқы істер министрлігі ұйымдастырды. Кездесудің күн тәртібінде түркі елдерінің мәдени-гуманитарлық ынтымақтастық саласындағы өзара іс-қимылын одан әрі нығайтудың, сауда-экономикалық байланыстарды дамытуды ынталандырудың, сондай-ақ қауіпсіздік саласындағы халықаралық және өңірлік сын-қатерлерді талдаудың өзекті мәселелері қамтылды.