2024 жылғы 13 желтоқсанда ССЗИ Басқарма Төрағасының орынбасары Манарбек Қабазиев Астана Халықаралық университетінің «Халықаралық қатынастар» білім беру бағдарламасының студенттері үшін «Дипломатия: кәсіби дағдылар негіздері» тақырыбында қонақ дәріс өткізді.
М.Қабазиев өз тәжірибесінен мысалдар келтіре отырып, ҚР Сыртқы істер министрлігінде және шет елдердегі мекемелерде жұмыс істеу дағдыларымен бөлісті. Сонымен қатар, Қазақстанның дипломатиялық қызметінің қалыптасу және даму кезеңдері туралы айтып берді.
Студенттер Қазақстанның сыртқы саяси бағытының қазіргі халықаралық және өңірлік жағдайдағы қызықтыратын аспектілері бойынша көптеген сұрақтар қойды.