2025 жылғы 11 қыркүйекте ССЗИ Басқарма Төрағасы Болат Нұрғалиев мемлекеттік хатшының орынбасары, Венгрия Республикасы Премьер-Министрі Кеңсесі Саяси директоры офисының Басшысы Мартон Угрошдимен кездесті. Кездесуге Венгрияның Қазақстандағы Төтенше және Өкілетті Елшісі Отто Иван Рона және оның орынбасары Ференц Цомбош қатысты. 
Б.Нұрғалиев әңгімелесушілерді Институт қызметінің негізгі бағыттарымен таныстырды. Халықаралық және өңірлік күн тәртібіндегі өзекті мәселелер, Қазақстан-Венгрия қатынастарын дамыту перспективалары, сондай-ақ БҰҰ, ЕҚЫҰ және ТМҰ аясындағы өзара іс-қимыл бойынша пікір алмасылды.