2025 жылғы 2 желтоқсанда Бернде Қазақстан Республикасының Сыртқы істер министрі Ермек Көшербаевтың ресми сапары барысында ҚР СІМ жанындағы Сыртқы саяси зерттеулер институты мен Швейцарияның Гуманитарлық диалог орталығы арасында Өзара түсіністік туралы меморандумға қол қойылды. 
Қазақстан тарапынан Меморандумға ҚР Швейцария Конфедерациясындағы Төтенше және Өкілетті Елшісі Қайрат Саржанов қол қойды. Швейцария тарапынан Гуманитарлық диалог орталығының атқарушы директоры Дэвид Харланд қол қойды. 
Бұл Меморандум өзара қызығушылық тудыратын салаларда бірлескен жобалар мен ынтымақтастық бағдарламаларын жүзеге асыруға бағытталған.