2025 жылғы 9 қаңтарда ССЗИ Басқарма Төрағасы Болат Нұрғалиев пен оның орынбасары Амангелді Тәженов ҚХР-ның Қазақстандағы жаңадан тағайындалған Елшісі Хань Чуньлинмен кездесті.
Елші Хань Чунлинь Қытай дипломатиясының өзекті міндеттері туралы айтып, халықаралық және өңірлік қауіпсіздіктің жай-күйіне, ҚХР-ның Қазақстанмен екіжақты форматта және ШЫҰ-ны қоса алғанда, интеграциялық бірлестіктер шеңберінде әртараптандырылған ынтымақтастығының перспективаларына баға берді.
Өз тарапынан Болат Нұрғалиев және оның әріптесі Сыртқы саяси зерттеулер институтының тәжірибелік қызметі, оның негізгі миссияларының бірі Қытаймен стратегиялық өзара іс-қимылды ілгерілету мәселелерін зерделеу болып табылатыны туралы хабарлады. Қазақстандық сарапшылар «Бір белдеу – бір жол» мега–жобасына қатысуының Қазақстанның әлеуметтік-экономикалық дамуына маңыздылығын, сонымен қатар Қытайдың адамзаттың біртұтас тағдыры қауымдастығын құру тұжырымдамасын оң қабылдауын атап өтті.
Қазақстан мен ҚХР-дың геосаяси ортасындағы жағдайларды, сондай-ақ әлемнің түрлі өңірлеріндегі дағдарыстық жағдайларды реттеу перспективаларын қоса алғанда, көптеген мәселелер бойынша пікір алмасу жүргізілді. 
Сыртқы саяси мәселелермен айналысатын қытайлық талдау орталықтарымен әріптестік байланыстарды қолдау процесінде ССЗИ-нің Астанадағы ҚХР елшілігімен өзара іс-қимылы туралы уағдаластыққа қол жеткізілді.