2025 жылғы 10 маусымда ССЗИ Басқарма Төрағасы Болат Нұрғалиев пен Институт қызметкерлерінің Орталық Азия елдері бойынша сапары аясында Астанаға келген Фридрих Эберт атындағы Германия саяси қорының сарапшылар делегациясымен кездесуі өтті.
ОА мемлекеттері мен Қазақстанның Еуропалық Одақпен және Германиямен ынтымақтастығы мәселелері, оның ішінде одан әрі өзара іс-қимылдың перспективалық бағыттары және екі тарап үшін де қызығушылық тудыратын нақты жобалар бойынша мазмұнды пікір алмасу өтті.  
Б.Нұрғалиев неміс әріптестерін Институт қызметінің негізгі салаларымен таныстырды, Орталық Азия мен оның айналасындағы өңірлердегі халықаралық күн тәртібі мен ахуалының өзекті мәселелеріне қатысты пікірлерімен бөлісті. ШЫҰ, ЕАЭО, ҰҚШҰ, АӨСШК сияқты өңірлік бірлестіктер шеңберіндегі ынтымақтастықтың жай-күйі мен перспективалары туралы сұрақтарға жауап берді, олардың қызметінде Қазақстан белсенді рөл атқаратынын атап өтті.
Екі талдау орталығы арасындағы байланыстарды одан әрі қолдау туралы уағдаластыққа қол жеткізілді.