2026 жылғы 15 шілдеде ССЗИ Басқарма Төрағасының орынбасары Манарбек Қабазиев пен Институт сарапшысы Гүлден Қасқарбаева ҚХР Төрағасы Си Цзиньпиннің «Мемлекеттік басқару туралы» кітабының бесінші томының тұсаукесеріне қатысты.
Іс-шараны ҚХР Мемлекеттік кеңесінің Баспасөз кеңсесі, ҚХР шет тілдеріндегі әдебиеттер баспасы және ҚР-дағы ҚХР Елшілігі ұйымдастырды.
Тұсаукесерге мемлекеттік органдардың, дипломатиялық корпустың, саяси партиялардың, бұқаралық ақпарат құралдарының, Қазақстан мен Қытайдың талдау орталықтарының, академиялық қоғамдастықтың өкілдері, сондай-ақ басқа да қоғамдық топтардың өкілдері қатысты.
Пленарлық сессияда сөз сөйлеген М.Қабазиев ҚХР Төрағасы Си Цзиньпиннің бағдарламалық баяндамаларын, мақалалары мен әңгімелерін қамтитын басылым сараптамалық қоғамдастық үшін елеулі қызығушылық тудыратынын және мемлекеттік басқару, жоғары сапалы даму және халықаралық ынтымақтастық мәселелері бойынша диалогты кеңейтуге ықпал ететінін атап өтті.
Сөз сөйлеуде Қазақстан-Қытай стратегиялық әріптестігін дамытуға ерекше көңіл бөлінді. Қазақстан «Белдеу және жол» бастамасына қатысуды өзінің транзиттік әлеуетін нығайту мүмкіндігі ретінде ғана емес, сонымен қатар өнеркәсіптік кооперацияны кеңейту, ғылыми-технологиялық ынтымақтастықты дамыту және қосылған құны жоғары жаңа тізбектерді қалыптастыру үшін платформа ретінде қарастыратыны атап өтілді.
ССЗИ өкілдерінің іс-шараға қатысуы Институттың қытайлық талдау орталықтарымен және зерттеу ұйымдарымен сараптамалық диалогты дамытуға, ғылыми ынтымақтастықты кеңейтуге және Қазақстан-Қытай жан-жақты стратегиялық әріптестігін одан әрі нығайту бойынша тәжірибелік ұсынымдар әзірлеуге ұмтылысын растайды.