2026 жылғы 15 қазанда ССЗИ Басқарма Төрағасының орынбасары Манарбек Қабазиев М.В.Ломоносов атындағы Мәскеу мемлекеттік университетінің Қазақстан филиалының мерейтойына арналған «Іргелі ғылым және қазіргі заманғы білім: ММУ Қазақстан филиалына 25 жыл» атты Халықаралық ғылыми-практикалық конференцияға қатысты.
«Әлеуметтік-гуманитарлық ғылымдар және олардың Қазақстанның қазіргі заманғы дамуындағы рөлі» секциясы аясында ССЗИ өкілі «Әлемдік тәртіптің трансформациясы жағдайындағы орта державалар: Қазақстанның сыртқы саяси стратегиясы» тақырыбында баяндама жасады. М. Қабазиев өз сөзінде халықаралық қатынастардың қазіргі жүйесіндегі орта державалардың артып келе жатқан рөлін, Қазақстанның көпвекторлы сыртқы саясатының ерекшеліктерін және оның бейімделу дипломатиясынан жауапты ықпал ету дипломатиясына дейінгі эволюциясын қарастырды. Ерекше назар Орталық Азияның аймақтық субъектілігін нығайтуға, көпжақты ынтымақтастық пен Еуразияның көліктік-экономикалық өзара байланысын дамытуға аударылды.
Сондай-ақ сөз барысында сыртқы саясатты ғылыми-сараптамалық тұрғыдан сүйемелдеудің, стратегиялық болжаудың және халықаралық мамандардың жаңа буынын даярлаудың маңыздылығы атап өтілді. ССЗИ өкілінің конференцияға қатысуы Қазақстан мен Ресей арасындағы академиялық және сараптамалық өзара іс-қимылды дамытуға, сондай-ақ халықаралық қатынастардың өзекті мәселелері бойынша ғылыми тәсілдермен алмасуға ықпал етті.