2026 жылғы 19 қазанда Бейжің қаласында Сыртқы саяси зерттеулер институты Басқарма Төрағасының орынбасары Манарбек Қабазиевтың Қытай халықаралық зерттеулер институтының (China Institute of International Studies, CIIS) басшылығымен кездесуі өтті.
Тараптар Қазақстан-Қытай сараптамалық-талдамалық ынтымақтастығын дамыту перспективаларын, халықаралық және өңірлік күн тәртібіндегі өзекті мәселелерді, сондай-ақ бірлескен зерттеу бастамаларын іске асыру мүмкіндіктерін талқылады.
Кездесу қорытындысы бойынша тұрақты сараптамалық байланыстарды дамытуды, бірлескен зерттеулер жүргізуді, ғылыми конференциялар мен семинарлар ұйымдастыруды, сарапшылар мен жарияланымдармен алмасуды, сондай-ақ бірлескен ғылыми-білім беру жобаларын іске асыруды көздейтін ССЗИ мен ҚХЗИ арасында өзара түсіністік туралы Меморандумға қол қойылды.
Меморандумға қол қою Қазақстан мен Қытайдың жетекші талдау орталықтары арасындағы ұзақ мерзімді өзара іс-қимылдың институционалдық негізін қалыптастыруға, екіжақты сараптамалық диалогты нығайтуға және ССЗИ халықаралық ғылыми-талдамалық ынтымақтастығын кеңейтуге бағытталған.