2025 жылғы 12 маусымда ССЗИ Басқарма Төрағасы Болат Нұрғалиев «Хуанцю шибао» (Global Times) ағылшын тіліндегі қытайлық басылымына Қазақстан мен Қытай, сондай-ақ Орталық Азия елдері арасындағы саяси және сауда-экономикалық өзара іс-қимыл мәселелері бойынша сұхбат берді. 
2025 жылғы 16-17 маусымда ҚХР Төрағасы Си Цзиньпиннің Қазақстанға сапары аясында өңір мемлекеттері басшыларының қатысуымен «Орталық Азия – Қытай» екінші саммиті өтеді, Б. Нұрғалиев өз сұхбатында Қазақ-қытай жан-жақты стратегиялық әріптестігін одан әрі тереңдету, сондай-ақ Орталық Азия елдерімен ынтымақтастықты ілгерілету мәселелерін атап өтті. 
Қытай экономикасының серпінді және сапалы дамуына, әлемдік экономиканың өсу қарқынының баяулауын ескере отырып, оның жаһандық процестердегі рөліне жоғары баға берілді, «Бір белдеу – бір жол» Қытай стратегиялық бастамасын іске асыру процесінде Қазақстанның рөлі атап өтілді. Сондай-ақ, өңірлік қауіпсіздік пен орнықты дамуды қамтамасыз етуде Қазақстан мен Қытайдың өзара іс-қимылының жоғары сапасына назар аударылды.