2026 жылғы 9-10 маусымда ССЗИ сарапшысы Алмат Тоекин Шанхай халықаралық зерттеулер академиясы (ШХЗИ) президентінің шақыруымен «Шанхай ынтымақтастық ұйымының 25 жылдығы: жаһандық басқарудағы жаңа міндеттер мен жаңа қадамдар» атты халықаралық конференция жұмысына қатысты. Іс-шараны ШХЗИ, Шанхай халықаралық қатынастарды зерттеу қоғамы, Ресей, Шығыс Еуропа және Орталық Азияны зерттеу жөніндегі Шанхай қоғамы ұйымдастырды. Конференцияға Қытайдан, Қазақстаннан, Ресейден және Өзбекстаннан келген талдау және зерттеу орталықтарының, академиялық және дипломатиялық топтардың, сондай-ақ ШЫҰ Хатшылығының өкілдері шақырылды. 
А.Тоекин «ШЫҰ-ның жаһандық қауіпсіздікті басқаруға тәжірибелік үлесі»  секциясында «Өңірлік және жаһандық қауіпсіздікті қамтамасыз етудегі ШЫҰ-ның өсіп келе жатқан рөлі туралы» баяндама жасады. 
Іс-шара барысында қатысушылар жаһандық және өңірлік қауіпсіздіктің, халықаралық тәртіпті трансформациялаудың, сондай-ақ ШЫҰ-ның орнықты дамуын ілгерілетудің өзекті мәселелерін және күшейтілген геосаяси турбуленттілік жағдайында оның рөлін күшейту қажеттілігін қарастырды. Форум барысында халықаралық қауіпсіздік мәселелері бойынша шетелдік сарапшылар топтарының өкілдерімен пікір алмасу өтті. Сондай-ақ, ССЗИ-дің қытайлық аналитикалық құрылымдармен өзара әрекеттесу перспективалары талқыланды.