2026 жылғы 18 шілдеде «Қазақпарат» Халықаралық ақпараттық агенттігінің сайтында Қазақстан Республикасының Президенті Қасым-Жомарт Тоқаевтың Қытайға жұмыс сапарының қорытындысына және оның жасанды интеллект жөніндегі Дүниежүзілік конференцияға (WAIC 2026) қатысуына арналған «Шанхай күн тәртібі: жаһандық ЖИ архитектурасындағы Қазақстан» («Шанхайская повестка: Казахстан в архитектуре глобального ИИ») атты талдамалық материал жарияланды.
Басылымда ССЗИ Басқарма Төрағасының орынбасары Манарбек Қабазиевтың сараптамалық түсініктемелері ұсынылған, онда Мемлекет басшысының ҚХР Төрағасы Си Цзиньпинмен келіссөздерінің, Қытайдың жетекші жоғары технологиялық компанияларының басшыларымен кездесулерінің саяси және тәжірибелік маңыздылығы, сондай-ақ Қазақстан Президентінің WAIC 2026ашылу салтанатында сөйлеген сөздері талданады.
Сарапшының пікірінше, сапар Қазақстан-Қытай стратегиялық әріптестігінің сапалы жаңа кезеңге көшуін растады, онда өзара іс-қимылдың дәстүрлі бағыттарымен қатар жасанды интеллект, цифрлық экономика, инновациялар мен жоғары технологиялар маңызды рөлге ие болуда.
Түсініктемеде цифрлық инфрақұрылымды, өнеркәсіптік кооперацияны, көліктік-логистикалық өзара байланысты, білім беруді және ғылыми-технологиялық әріптестікті дамытуды қоса алғанда, екіжақты ынтымақтастықтың перспективалық бағыттарына ерекше назар аударылды.
Материалдың толық нұсқасымен «Қазақпарат» ХАА сайтында танысуға болады: https://www.inform.kz/ru/shanhayskaya-povestka-kazahstan-v-arhitekture-globalnogo-ii-8def1388