2026 жылғы 1 қыркүйекте «Қазақпарат» ХАА Шанхай ынтымақтастық ұйымының 25 жылдығына және Бішкектегі мерейтойлық саммитке арналған «ШОС: стратегия общего будущего» (ШЫҰ: ортақ болашақ стратегиясы) және «ШЫҰ-ға 25 жыл: ұйым алдында қандай міндеттер тұр» атты екі аналитикалық материал жариялады.
Бұл жарияланымдарда ССЗИ Басқарма Төрағасының орынбасары Манарбек Қабазиевтың сараптамалық бағасы берілген. Оның пікірінше, ширек ғасыр ішінде ШЫҰ сенім мен қауіпсіздікті нығайтудың өңірлік тетігінен бастап, қалыптасып келе жатқан көпполярлы халықаралық қатынастар архитектурасының маңызды элементтерінің біріне айналды. Ұйымның ерекшелігі саяси диалог пен әртүрлі саяси және экономикалық модельдері бар мемлекеттердің тәжірибелік ынтымақтастығын «шанхай рухы» қағидаттары негізінде ұштастыруында жатыр.
Сарапшы ШЫҰ дамуының келесі кезеңі институционалдық қалыптасудан тәжірибелік тиімділікті арттыруға көшумен, соның ішінде Еуразияның көліктік және цифрлық өзара байланысын дамытумен, логистиканы цифрландырумен, жасанды интеллектті қолданумен және халықаралық көлік дәліздері аясындағы өзара іс-қимылды кеңейтумен байланысты болуы тиістігін атап өтті.
Мерейтойлық саммитке символдық мән беретін жайт – оның VI Дүниежүзілік көшпенділер ойындарымен бір уақытта өтуі. М.Қабазиев атап өткендей, бұл Еуразияның мемлекеттер, халықтар мен мәдениеттердің өзара іс-қимыл кеңістігі ретіндегі ерекше рөлін көрсетеді: «Еуразия бір мезгілде өз өткеніне де, болашағына да көз тігеді».
Сұхбаттың толық мәтіні «Қазақпарат» ХАА сайтында қолжетімді: 
https://www.inform.kz/ru/shos-strategiya-obshego-budushego-5cdc1e85 
https://kaz.inform.kz/news/shiu-nin-25-zhili-uyim-aldinda-kanday-mndetter-tur-d39ccb97