ССЗИ Басқарма Төрағасының орынбасары Манарбек Қабазиев Швейцарияның қоғамдық-саяси «Die Weltwoche» журналына сұхбат берді. Материал 2026 жылғы 3 қыркүйекте шыққан №36 санында жарияланды.
Сұхбат барысында М.Қабазиев халықаралық жүйенің трансформациясы жағдайындағы Қазақстанның сыртқы саяси басымдықтарына баға беріп, көпвекторлы сыртқы саясаттың, халықаралық әріптестіктерді әртараптандырудың және Қазақстанның дербестігін сақтаудың стратегиялық маңызын атап өтті. Ресеймен, Қытаймен, Еуропалық одақпен және АҚШ-пен қарым-қатынастарға, Транскаспий халықаралық көлік бағытын дамытуға және Еуразияның көлік-логистикалық архитектурасындағы Қазақстанның рөлін нығайтуға ерекше назар аударылды.
Сұхбаттың елеулі бөлігі Қазақстан мен Швейцария арасындағы ынтымақтастыққа арналды. Швейцарияны Қазақстанның Еуропадағы маңызды серіктесі ретінде атап өткен М.Қабазиев инвестициялық, технологиялық және өнеркәсіптік өзара іс-қимылды одан әрі дамытудың әлеуетін ерекше атап өтті.
Қорытындысында сарапшы Қазақстан көпполярлы әлемнің қалыптасуын тек сын-қатер ретінде ғана емес, даму мүмкіндігі ретінде де қарастыратынын атап өтті. Қазақстан тәуелсіз сыртқы саясат жүргізу кеңістігін сақтауға және халықаралық жүйедегі өзгерістерді ұлттық мүдделерге пайдалануға ұмтылады.
Сұхбаттың толық мәтіні швейцариялық «Die Weltwoche» журналының кезекті санында жарияланған.